Snærós...

2005-08-07T22:26:00.000Z

LOKSINS komin heim frá Danaveldi. Ekki að ferðin hafi ekki verið með skásta móti en ég var samt nokkuð hamingjusöm yfir því að vera loksins komin heim, þessi hamingja blossaði að vísu ekki upp fyrr en í dag þegar ég loksins steig inní mín fábrotnu híbýli því ég hef dvalið í ömmuhúsum frá föstudegi. Hringdi strax í besta vin minn og kjaftaði smá við hann, gat svo ekki hætt að brosa svo ég skellti í vél (auðvitað allt á 30°, bara mín föt) gekk svo frá restinni af fötunum mínum úr síðustu þreumur ferðalögum og hóf svo að taka til og þurka af og ryksuga. Sko ég á að vera í andspyrnuhreyfingu við því að taka til en fannst það allt í einu bara skemmtilegt svo ég sit í yndislega hreinu herbergi (þó ég hafi kannski ekki alveg þorað að líta undir rúm) og nýt þess í botn að vera á Fróni hinu fríða.

Mín ætlaði sko að skella sér á Gay-Pride í gær. Hef ætlað síðustu fjögur skipti en alltaf eitthvað komið uppá, ég hef verið í útlöndum og ég hef verið lasin, ég hef gleymt því og ég hef verið í brúðkaupi. Ég átti í rauninni ekki að komast í ár en við komum heim degi áður en við héldum að við ættum að koma.
Ég iðaði í skinninu að fá loksins að fara á Gay-Pride sem bókstaflega allir tala um alveg endalaust og planið var að fara með nokkrum vinum og svona skemmtileg heit. Vaknaði ég svo ekki á föstudagsmorgni með streptokokka og hita sem auðvitað teygði sig yfir á laugardaginn. Ég sat heima og vorkenndi sjálfri mér og blótaði öðrum heppnum í sand og ösku haha.

En núna ætla ég að kveðja, afsakið stutt blogg.
kveðja.

2005-07-22T20:53:00.000Z

úff.....ég þjáist af lúxusvandamáli, þannig er mál með vexti að ég nenni bókstaflega ekki út til Danmerkur á morgun því ég er ekkert búin að vera heima hjá mér og farin að langa það ansi mikið. Ég á semsagt að fara með ömmu, afa, litlu frænku og frænda til Köben um kaffileitið á morgun og ég er ekki einu sinni byrjuð að pakka af einskæru kæruleysi og leti. Ég verð í tvær vikur og hef ekki hugmynd um hvað ég á að gera annað en að ala litlu ellefu ára frænkuna mína upp. Úff það verður sko erfitt að láta hana hlusta á almennilega tónlist og "droppa" gelgjunni, en tvær vikur til stefnu og líka þetta ágætasta verkefni.

Annars er ég bara þreytt og máttlaus því ég var að taka bakpressu á box-æfingu (að vísu ekki nema 20 kíló, en 20 kíló sextíu sinnum er ansi erfitt, + allar armbeygjurnar og svoleiðis skemmtilegheit) svo ég er að hugsa um að ljúka þessu og skrifa aftur eftir tvær vikur...

Það er nefninlega ekkert gaman að blogga hérna því enginn skoðar :0( frekar fúlt. Svo hérna er ég að tala við sjálfa mig á netinu og ég held að bara að dýpra gæti ég ekki sokkið..

Snærós

2005-07-18T18:54:00.000Z

Jesús minn, það mætti bara halda að ég væri að gefast upp en neinei síður en svo. Ég er bara svo upptekin að ég verð bara að fá mér nýjan upptakara, svona hjálpsama manneskju sem tekur allt uppið manns og við getum þá skipt með okkur verkum.

Hér með auglýsi ég eftir afbragðs upptakara.

Hann/hún þarf að vera reyklaus og reglusamur/söm og hafa metnað fyrir starfi sínu.Starfið snýst aðallega um að gera hlutina fyrir mig svo ég hafi meiri tíma í að lesa Harry Potter og gera það þannig að mér finnist ég hafa höndlað hlutina sjálf. T.d. þarf þessi úrvals manneskja að vera fær um að fara á æfingar hjá mér þannig að það sjáist að ég hef bætt mig með þol og annað þessháttar smáatriði, þessi litla krafa er ein af mörgum sem ég biðst svo kurteisislega fyrir. Upptakarinn gæti svo fengið það auðvelda verkefni að mæta í tíma hjá mér, svo ég geti haldið áfram að skemmta mér, og legg ég það á hann/hana að gera mig að uppáhaldsnemanda sérhvers kennara og leyfa mér að finna gáfurnar streyma um kollinn.

Fleiri upplýsingar um starfið eru á vefslóðinni www.snaeros.blogspot.com !! Vinsamlegast rífið miðann af hérna neðst á blaðinu til að muna eftir þessu skemmtilega starfi, það er auðveldlega hægt að gera samhjálp að atvinnu. Snærós

jahá þar hafið þið það.

En nehei ég gefst aldrei upp....eins og þjálfarinn minn segir "Meistari biður alltaf um meira" þar er hann að tala um það þegar hann var að æfa á Kúbu minnir mig og hann var alveg búinn á því og lá bara í gólfinu af þreytu og þjálfarinn stóð yfir honum og sagði "hva? geturðu meira" og hann bara "jáh" og stóð upp og hélt áfram alveg örmagana af þreytu, því svo getur maður bara hvílt sig á eftir. Og það sama á við um lífið, maður hvílir sig bara eftir það, þýðir ekkert að gefast upp á öllu og láta vorkenna sér eitthvað. Auðvitað á ég þar ekki við um alla í heiminum, fólk hefur sínar ástæður fyrir flestu og sumt fólk er bara því miður lasið á sálinni sinni og maður getur eiginlega ekki kallað þetta eintóman aumingjaskap því þetta er það alls ekki. Hins vegar tek ég ofan (ef ég væri með hatt) fyrir langveiku fólki, þá sérstaklega langveikum börnum sem liggja í rúminu allt sitt líf, þar er fólk sem berst og heldur áfram að berjast fram í rauðan dauðann. Að sjá alla í kringum sig hafa það svo gott á meðan maður liggur inná spítala í fleiri fleiri ár og ekkert gerist, ástandið helst óbreytt (að vísu er ég ein af þeim ótrúlega heppnu einstaklingum sem hafa aldrei þurft að glíma við slíkt helvíti svo það er möguleiki á því að ég sé bara að bulla) og ástandið batnar aldrei. Þetta er fólk sem á allar viðurkenningar í heiminum skilið, fálkaorðuna, riddarakrossa, nóbelinn og þó er það ekki nóg, þetta fólk á allan heiminn skilið. Verst að það eru svo margir langveikir að maður fengi ekki neima brotabrot af honum, the world is not enough

Klukkan er 20:20 akkurat núna....

....ekki lengur

Harry Potter er að koma sterkur inn, og það sama má segja um Skrekk sem er að komast á skrið.. Úff, við erum svo skipulögð að við erum eiginlega að byrja mánuði til tveimur of fljótt, ætli það sé ekki keppnisskapið í okkur.

Samt er ég þeim kostum gædd að verða ekki tapsár, ja allavegana ekki á svona þessar týpísku keppnir líkt og íþróttir og/eða spil eða þvíumlíkt. Samt kraumar keppnisskapið í mér þarna undirniðri og lætur kræla á sér við undarlegustu en góðar aðstæður. Því miður er ég ekki fær um að nefna dæmi...

En annars vona ég að fólk fari að lesa síðuna mína því annars finnst mér ég vera að nota þennan tíma til einskis svo endilega látið vita ef þið eruð gestir í þessa fátæklegu höll mína

Snærós kveður

2005-06-30T22:24:00.000Z

Hróarskelda er UNAÐSLEG.......en mér er ansi illt í fótunum

2005-06-27T15:43:00.000Z

Dásamlegt, yndislegt, unaðslegt, himneskt brúðkaup. Móðurbróðir minn, hann Hallgrímur og kona hans ákváðu loksins að gifta sig eftir sextán ára sambúð. ´Brúðkaupið var haldið útí Viðey og var hreint út sagt æðislegt, allt frá kirkjunni og þangað til um nóttina þegar öllum var skikkað að fara heim. Ég held að ég hafi aldrei á æfinni smakkað jafn góðan mat og þegar mamma var að lýsa matnum fyrir gestunum, því mamma var veislustjóri, mátti heyra malið í fólkinu svona rétt áður en öllum var hleypt að borðinu. Eftir nokkrar vel útpældar og skemmtilegar ræður var komið að Geirfuglunum að stíga á stokk og stemningin var gífurleg, allir þustu á dansgólfið ungir jafnt sem aldnir, og þakið ætlaði af húsinu. Sjálf lét ég mig ekki vanta eitt sekúndubrot í dansinn, þvílík var hamingjan og gleðin. Svo var mér hvíslað frá litlum Geirfugli að þeir hefðu sjálfir aldrei spilað í jafn skemmtilegu brúðkaupi...
Nú og svo er það bara Kaupmannahöfn á morgun. Ég þarf að vera mætt útí Leifsstöð klukkan hálf sex í fyrramálið svo ég verð að fara snemma að sofa í kvöld. Á Hróarskeldu ætla ég að sjá Duran Duran, Sonic Youth, Brian Wilson, Audioslave, Foo Fighters. Fann svo band sem er vert að skoða sem heitir Athlete. Svo ætla ég að kíkja á nokkur lög með Black Sabbath og Snoop Dogg, bara svona uppá að hafa séð listamennina á sviði.

Dásamlegt, yndislegt, unaðslegt, himneskt brúðkaup. Móðurbróðir minn, hann Hallgrímur og kona hans ákváðu loksins að gifta sig eftir sextán ára sambúð. ´Brúðkaupið var haldið útí Viðey og var hreint út sagt æðislegt, allt frá kirkjunni og þangað til um nóttina þegar öllum var skikkað að fara heim. Ég held að ég hafi aldrei á æfinni smakkað jafn góðan mat og þegar mamma var að lýsa matnum fyrir gestunum, því mamma var veislustjóri, mátti heyra malið í fólkinu svona rétt áður en öllum var hleypt að borðinu. Eftir nokkrar vel útpældar og skemmtilegar ræður var komið að Geirfuglunum að stíga á stokk og stemningin var gífurleg, allir þustu á dansgólfið ungir jafnt sem aldnir, og þakið ætlaði af húsinu. Sjálf lét ég mig ekki vanta eitt sekúndubrot í dansinn, þvílík var hamingjan og gleðin. Svo var mér hvíslað frá litlum Geirfugli að þeir hefðu sjálfir aldrei spilað í jafn skemmtilegu brúðkaupi...
Nú og svo er það bara Kaupmannahöfn á morgun. Ég þarf að vera mætt útí Leifsstöð klukkan hálf sex í fyrramálið svo ég verð að fara snemma að sofa í kvöld. Á Hróarskeldu ætla ég að sjá Duran Duran, Sonic Youth, Brian Wilson, Audioslave, Foo Fighters. Fann svo band sem er vert að skoða sem heitir Athlete. Svo ætla ég að kíkja á nokkur lög með Black Sabbath og Snoop Dogg, bara svona uppá að hafa séð listamennina á sviði.
Eftir fimm daga stanslausa veislu í Kaupmannahöfn förum við og mamma til London í eina nótt. Gaman Gaman...
En ég kveð að sinni....mamma í Kastljósinu að tala um hræðilega meðferð á Bubba Morthens. Kannski ég tjái ykkur mína skoðun á þessu máli seinna í kvöld
Snærós kveður með sæmd
lifið heil

2005-06-24T13:41:00.000Z

Núna er ég frekar pirruð svona, ef ég á að segja eins og er. Málið er nefninlega að rétt eftir fermingu tók ég mig til og hringdi uppá Fréttablað og bað um að fá ða skrifa skemmtilega og hressa pistla í sumar. Jújú mér var gefið samband við skiftiborð og svo við mann sem átti að tala við mig, sá maður var mjög skemmtilegur og hress en tjáði mér nú samt að ég væri að tala við lægst settu manneskjuna á staðnum og sagði mér að hringja í Jón Kaldal, aðstoðarritstjóra Fréttablaðsðin. Jón var ekki við svo ég hringdi daginn eftir og fékk samband við hann. Jón spurði hvað ég væri gömul og ég sagði auðvitað þrettán ára og kom sjálf með hugmynd að því að pistlarnir yrðu svona svolítið "Sumar unglingsins" eða eitthvað í þá áttina. Hann spurði mig þá hvað ég væri að fara að gera í sumar og ég svaraði með stoltri röddu að ég væri að fara á Hróarskeldu tónlistarhátíðina, ekki fannst honum það merkilegt og segir "já, eins og mjög margir aðrir starfsmenn okkar, hva? ertu ekki að fara að gera neitt annað? ertu ekkert að vinna?" "ha? jújú, ég verð í unglingavinnunni" "já mér þykir það miklu merkilegara en Hróarskelda" ég átti ekki orð yfir dónaskapnum í honum að eyðileggja eftirvæntingu mína með eintómum leiðindum og móral en hann sagði mér samt að skrifa pistil og senda sér með tölvupósti svo ég ákvað að gleyma þessu og byrja uppá nýtt. Ég skrifaði pistil sem ég hefði viljað gera öðruvísi svona við nánari athugun, hann sendi mér svo póst til baka

Hæ Snærós,

takk fyrir pistilinn. Þú heyrir frá okkur von bráðar,

kkv jk

Ég vil nú ekki vera frekja og með endalaus leiðindi en málið er að þetta bréf fékk ég 30. maí en tuttuguogfimm dagar er ekki flokkað undir "von bráðar" í mínum hraða heimi, hann getur alveg sagt mér ef hann vill ekki nýja pistla. No problemo beibí.

Jújú, ætli manni sé ekki farið að hlakka til þriðjudagsins. Þá ætla ég nefninlega að hoppa uppí flugvél og fara til Kaupmannahafnar, engin systkini með. YNDISLEGT. Þar ætla ég að skella mér á Roskilde festival og sjá Duran Duran spila. Svo ágotnaðist mér líka þessi fíni blaðamannapassi sem verð notaður í ræmur og svo geymdur í endalaus ár, þangað til ég sel hann á fimmhundruðkall á e-bay, sniðugt. Frá Kaupmannahöfninni fljúgum við mamma svo til London í eina nótt en sendum Grímsarann heim með flugi frá Standsted (minnir allavegana að völlurinn heiti það úti) svo við ætlum bara að dúlla okkur þarna tvær.

Ég ætla að reyna eins og ég get að blogga frá Köben og London, svo ekki gefast upp á mér strax, þætti samt vænt um það ef einhver sæi sér fært að skrifa í skoðanir hjá mér, núna eru þær opnar öllum, bara svo ég viti að ég sé ekki að blogga fyrir tölvuskjá.

kærasta kveðja til allra Íslendinaga

núna þarf ég að fara að gera mig til fyrir brúðkaup hjá Halla móðubróður og Sirrý (sem er einmitt Sirrýin sem fjallað er um svo eftirminnilega í einu laganna á barnaplötu og meistarastykki Dr. Gunna "við vitum ekki neitt nema Sirrý er sætust")

kv.Snærós

2005-06-22T20:04:00.000Z

Dásamlega góðar viðtökur sem ég hef fengið eftir mitt fyrsta blogg. Mér hlínaði um hjartarræturnar mínar þrjár (mamma segir að ég sé harðbrjósta kaktus) þegar ég fékk tölvupóst frá hinum yndilega "afa" í gær. Núna ætti skoðana kerfið að vera í lagi því áður gátu aðeins "notendur" haldið sínum skoðunum uppi, eins og í hinu miður ágæta íslenska samfélagi :oS

Annars gengur unglingavinnan eins og í sögu. Þ.e. ÞAÐ GÓÐA SIGRAR ALLTAF AÐ LOKUM en það gefur sterklega til kynna hvernig samskypti mín við verkstjórann fara fram. En ef ég reyni að hafa sem minnstu samskipti við hana ætti þetta að verða í lagi, hún bara virðist ekki sjá það þegar ég vinn vel og er dugleg, bara þegar ég rétt kasta öndinni og hendi mér í grasið, þá er hún alveg bara byrjuð að alhæfa um það að ég sé ekki búin að gera neitt í dag. Ástandið virtist ætla að batna eitthvað svona síðustu daga en svo í dag var hún að segja að dagurinn í gær hefði verið leiðinlegur en taldi upp þá sem unnið höfðu vel, svo sagði hún já Benni þú vinnur oftast vel en svo dettur þú stundum í annan heim (samt eitthvað jákvætt) og Siggi þú ert svakalega skemmtilegur strákur en þú verður að getað talað og unnið í einu (jákvætt) og þú Snærós, ég vil frekar að þú sitjir uppi og þykist vera að vinna en að þú liggir í beðunum. Ég sprakk úr hlátri því þetta var algjörlega fáránleg ásökun, ég hef unnið mjög vel og reyni að vera eins kurteis og ég get við hana.....en ég býst við því að hún sé mannleg og manni getur ekki verið jafnvel við alla en fyrr má nú vera dónaskapurinn. Ég svaraði henni að vísu einu sinni einum fjórða úr hálsi þegar hún sagði mér að ég væri alltaf ein útí horni, þá sagði ég henni að það væri ekki satt (enda allir krakkarnir þarna vinir mínir) hún hefði sett mig í verkefni útí horni!!!!

Svo er líka þessi blíða úti og ég er náttúrulega ALLTAF í góðu skapi þegar það er gott veður, dásamlega yndislegt og bráðum Jónsmessa en ég er nú ekki alveg viss um að ætli að hlaupa nakin útí garð þar sem ég bý við hliðina á blokk og það er ekkert alltof auðvelt að taka ekki eftir mér þarna hahaha...

En ég ætla að kveðja núna, sumarið býður mín

Snærós segir bless

2005-06-20T20:44:00.000Z

Halló allir samborgarar, samlandar, samálfar, og samjarðar....Halló allar samverur
Ég heiti Snærós og ég er vog.....samkvæmt því er ég alls ekki hversdagsleg manneskja (satt), ég er frumleg í hugsun og hef ágætt ímyndunarafl (satt) ég er bæði stolt og sjálfsörugg (já...já veistu ég held það bara) mér er sagt að ég hafi mikinn metnað og sé fljót að læra (satt, ég er fljót að læra en metnaðurinn mætti alveg vera meiri) ég sækist eftir nýstárlegri reynslu og ég nýt þess að sýna hvað í mér býr (ó já)
Á annað borð er sálarlíf mitt flókið (satt) og ég hleypi fólki ekki svo auðveldlega að mér (NEI, það er algjörlega ósatt, þetta er liggur við galli hjá mér því ég hleypi fólki oft alltof fljótt að mér og treysti fólki mjög auðveldlega). Ástarmálin vefjast fyrir mér og taka oft sinn toll (mmm....hef ekki mikið látið á það reyna en enn sem komið er já frekar) (www.spamadur.is)

Ég er Reykjarvíkurmær í húð og hár alin að mestu upp í 107 og 101 og hef mestu óbeit á Kóbavogsbúum, ja eða svo gott sem...fólk sem fer frekar í Kringluna, hvað þá Smáralind, en að fara í bæinn er ekki minn tebolli og örugglega hryllilega vont fólk (hahaha).
Foreldrar mínir eru báðir listamenn og þegar ég kom í heiminn, allavegana fjórum árum of snemma, þá tóku þau sig afskaplega alvarlega í því hlutverki að vera miklir listamenn svo ég er alin upp og vön dramadrottningum og egóistum. En látið það ekki bregða ykkur því ég skal reyna að stilla því í hóf sem mest ég má á þessarri ágætu síðu.

Ég er með smá ljóðahorn á www.ljod.is undir mínu rétta nafni og þætti mér vænt um ef þið nenntuð að renna aðeins yfir það ;o) ef þið viljið svo ná í mig þá er snaeros@hotmail.com netfangið mitt og ég reyni að taka við athugasemdum sem ekki hæfa skoðana kerfinu á ´síðunni eftir fremst megni

En ég kveð að sinni.......nóttin er komin og öll dýrin í skóginum eru farin að sofa
góða nótt